Organizational Excellence - ထူးကဲပြောင်မြောက်သောဖွဲ့စည်းမှု (ဒေါ်ရီရီမြင့်)

 

ထူးကဲပြောင်မြောက်သောကုမ္ပဏီများ၏ ကောင်းခြင်းလက္ခဏာ ရှစ်ဖြာ

        Consultants Tom Peter နဲ့ Robert Waterman ရေးသားတဲ့ In Search of Excellence စာအုပ်ကနေ အထူးကျော်ကြားလာတဲ့ သဘောတရားလမ်းညွှန်မှုဖြစ်လာပါတယ်။ စီးပွားရေးကိုပိုရေးရှင်းတွေအဖို့ အကောင်းဆုံးကော်ပိုရေးရှင်း ကြီးတွေဖြစ်လာနိုင်ပါတယ်။ ဖြစ်ဖို့မှာ မိမိအလုပ်သမားတွေရဲ့စွမ်းအားကို နားလည်အားယူပြီး အလုပ်ကိုအားကုန်သွင်းလုပ်ဖို့သာ လိုပါတယ်လို့ဆိုထားပါတယ်။

          In Search of Excellence ရဲ့စွမ်းအားနဲ့ သဘောတရားကို အကောင်းဆုံးလုပ်ဖို့ လမ်းညွှန်မှုမှာ ကမ္ဘာတစ်ဝန်းပျံ့နှံ့ ကျော်ကြားခဲ့ပါတယ်။ နှစ်ပေါင်း ၂၀ ကာလအတွင်း ရေရှည်အောင်မြင်မှု ရရှိတဲ့အဖွဲ့အစည်းပေါင်း ၄၁ ဖွဲ့ကနေ ၁၄ ဖွဲ့စီစစ်ရွေးချယ်ပြီး အောင်မြင်ရတဲ့အကြောင်းတွေ ဖော်ထုတ်သုံးသပ်ခဲ့ပါတယ်။

          ထူးချွန်အောင်မြင်တဲ့ Excellence အဖွဲ့အစည်းတွေ အဖြစ် ရွေးချယ်တင်မြှောက်ပြခဲ့တဲ့ ကုမ္ပဏီကြီးတွေကတော့ Boeing ၊ Caterpillar ၊ Dana ၊ Delta Air Lines ၊ Digital Equipment ၊ Emerson Electric ၊ Fluor ၊ Hewlett Packard ၊ IBM ၊ Johnson and Johnson ၊ McDonald’s ၊ Procter and Gambale နဲ့ 3M တို့ဖြစ်ပါတယ်။ အများစုဟာ ကမ္ဘာကျော်စီးပွားရေးလုပ်ငန်းကြီးတွေပဲဖြစ်ပါတယ်။

          စီးပွားရေးကော်ပိုရေးရှင်းတွေရဲ့ အောင်မြင်မှု၊ ရပ်တည်မှုတို့မှာ များစွာရှုပ်ထွေးပြီး အကြောင်းအရင်းအမျိုးမျိုးရှိနိုင်ပါတယ်။ အဆုံးမှာ တစ်ခုနဲ့တစ်ခု ဆက်စပ်နေတဲ့  S ခုနှစ်လုံးပါတဲ့ ဘောင်တစ်ခုအဖြစ်အချုပ်ပြီး ထူးချွန်အောင်မြင်မှုအကြောင်းတွေ ဖော်ထုတ်ခဲ့ပါတယ် ။

          “ S ” ခုနစ်လုံးမှာ Structure ဆိုတဲ့တည်ဆောက်မှု၊ Strategy ဆိုတဲ့ မဟာဗျူဟာ၊ System ဆိုတဲ့စနစ်၊ Staff  ဆိုတဲ့ဝန်ထမ်းတွေ၊ Style ဆိုတဲ့လုပ်ကိုင်တဲ့ဟန်၊ Skill ဆိုတဲ့ကျွမ်းကျင်မှုနဲ့ Shared Values ဆိုတဲ့တူညီစွာ လက်ခံကြတဲ့တန်ဖိုးထားမှုတို့ဖြစ်ပါတယ်။

          ဒါ့ပြင် စီမံခန့်ခွဲမှု ဘာသာရပ်မှာ လက်ခံကျင့်သုံးနေတဲ့ ဓမ္မဓိဌာန်အယူအဆတွေမှာ မှန်နိုင်တာထက်မှားနိုင်တာတွေလည်းရှိကိုထောက်ပပြပြီး ထူးချွန်ကောင်းမွန်တဲ့ အဖွဲ့အစည်းတွေမှာ တွေ့မြင်ရတဲ့ အချင်းလက္ခဏာတွေကိုထောက်ပြပါတယ်။

          (၁) Bias for Action -  လုပ်စရာရှိရင် သိပ်မတွေဝေဘဲ ထလုပ်တဲ့ အလေ့အထတွေ့ရခြင်း။

          (၂) Close to the Customer - မိမိကုန်ပစ္စည်းကို ဝယ်ယူအသုံးပြုသူတွေနဲ့ နီးနီးကပ်ကပ်ရှိပြီး ယင်းတို့လိုအပ်ချက်ကို ထင်ဟပ်ထုတ်လုပ်ရောင်းချရန်။

          (၃) Autonomy and Entrepreneurship - လွပ်လပ်ခွင့်နှင့်စီးပွားရေးသဘောအရ စွန့်စားလုပ်ကိုင်မှု ။

          (၄) Productivity Through People - လူတွေကိုအခြေခံပြီး ထုတ်လုပ်မှုစွမ်းရည်ရယူခြင်း (ကုန်ထုတ်လုပ်မှုစွမ်းရည်နဲ့ အရည်အသွေးကောင်းဖို့ လုပ်သားတွေနဲ့ ကြီးကြပ်သူတွေက အဓိကကျတယ်လို့ လက်ခံပြီး စက်အားနဲ့ ငွေရင်းနှီးမြှုပ်နှံမှုကို အဓိကမထားပေ။)

          (၅) Hands-on and Value –driven – “Management by Walking Around” ဆိုတဲ့ အသုံးအနှုန်းပေါ်ထွက်ရတဲ့အကြောင်းမှာ McDonald’s အပါအဝင်အချို့ကုမ္ပဏီအကြီးအကဲတွေဟာ အလုပ်ခွင်နဲ့အရောင်းဆိုင်တွေဆီ ပုံမှန်သွားရောက်လေ့လာတဲ့ အလေ့အကျင့်ရှိတာကို ညွှန်ထားပါတယ်။

          (၆) Stick to the Knitting - သိုးမွေးထိုးတက်ရင် သိုးမွေးထိုးတာပဲလုပ်ပါလို့ဆိုတာကတော့ မိမိကျွမ်းကျင်ရာကိုသာ လုပ်ပါလို့ ဆိုလိုတာဖြစ်ပါတယ်။ Johnson and Johnson နဲ့ Proctor and Gamble တို့ဟာ အဲဒီကုမ္ပဏီမျိုးပါ။

          (၇) Simple form, Lean Staff - လေ့လာတွေ့ရှိချက် နောက်တစ်ခုကတော့ အဲဒီကုမ္ပဏီမှာ Project တွေနဲ့ လုပ်တာမျိုးမရှိဘဲ ရိုးရှင်းပြီး ထိပ်ပိုင်းအုပ်ချုပ်သူလည်းနည်းပါတယ်။ ပုံစံရိုးရိုးနဲ့ ဝန်ထမ်းသိပ်မများတာကိုဆိုလိုတာပါ။

          (၈) Simultaneous Loose + Tight Properties - တစ်ချိန်တည်းမှာချောင်လည်းချောင်၊ ကျပ်လည်းကျပ်တဲ့ အနေအထားကိုဆိုလိုတာပါ။ ဗဟိုကနေချုပ်ကိုင်တဲ့ အနေအထားကိုဆိုလိုတာပါ။ ဗဟိုကနေချုပ်ကိုင်တဲ့ ပုံစံမျိုးရှိသလို လုပ်ပိုင်ခွင့်ကို အောက်ခြေဝန်ထမ်းတွေနဲ့ ကြီးကြပ်သူတွေမှာပေးထားပါတယ်။ ဒါပေမယ့် တကယ်အရေးပါတဲ့၊ တန်ဖိုးထားတဲ့ကိစ္စတွေကျရင်တော့ အလျှော့မပေးပါဘူး။

                   ထူးကဲပြောင်မြောက်တဲ့ အဖွဲ့အစည်းတွေအဖြစ် ရွေးချယ်သတ်မှတ်ထားတဲ့အဖွဲ့အစည်းတွေဟာလည်း သက်တမ်းရှည်မယ်လို့ မပြောပြနိုင်တာတွေ့နိုင်တာတွေ့ရပါတယ်။ ကုမ္ပဏီတွေရဲ့ သုံးပုံနှစ်ပုံဟာ ငါးနှစ်ကာလအတွင်း အခက်အခဲအမျိုးမျိုးကို ဖြေရှင်းနေရပြီး တစ်ဖွဲ့ကတော့ ဖျက်သိမ်းလိုက်ရတယ်လို့ဆိုပါတယ်။ ပျက်စီးမှုအမျိုးမျိုးကြားမှာ ရှင်သန်နိုင်ဖို့လှုပ်ရှားကြရတာဖြစ်တယ်ဆိုတာ လူအများလက်ခံနိုင်တဲ့သဘောတရားတစ်ခုဖြစ်လာပါတယ်။

နိုဝင်ဘာလ၊ ၂၀၁၃ (CEO - စီးပွားရေးနှင့်စီမံခန့်ခွဲမှုမဂ္ဂဇင်း )  စာမျက်နှာ (၂၆ - ၂၇) မှကူးယူဖော်ပြပါသည်။